Алісейчык Радзівон
Да мяне ў рукі трапіла цудоўнейшая кніга Валерыя Сцяцко “Нязломны Аляксей Талай”. Я чытаў пра гэтага мужнага чалавека, глядзеў перадачы з яго ўдзелам, таму з вялікай асалодай пазнаёміўся з гэтым аўтабіяграфічным творам. Сказаць, што ён мне спадабаўся, нічога не сказаць. Ён закрануў усе мае ўнутранныя пачуцці: узбударажыў, выклікаў сум, жах, боль за пакалечаны лёс маладога юнака, а такасама радасць за нязломнасць і вытрымку героя, за яго веру ў дабро, цяжкую працу і перамогу, мужнасць, адданасць сваёй Радзіме, патрыятызм.
Аляксей Талай – гэта вельмі моцны духам чалавек, які прыклаў усе свае намаганні, каб вытрымаць пакуты, слёзы родных і дарагіх людзей, перамагчы сябе і навучыцца жыць зноў, каб застацца чалавекам у любых абставінах.
Ён вельмі любіць сваю Радзіму, сям’ю, жыццё, дзяцей. Адказна падыходзіць да кожнай распачатай справы – стаў параалімпійскім чэмпіёнам Беларусі па плаванню, шматразовым рэкардсменам Еўропы і свету, спартыўным і грамадскім дзеячам, прадпрымальнікам, удзячным сынам, шчаслівым мужам і бацькам чацвярых дзяцей, арганізатарам дабрачыннага фонду дзецям.
Жыццёвая споведзь Аляксея Талая нікога не пакіне абыякавым, бо яна закранае ўсе патаемныя куткі чалавечага сэрца, вучыць настойлівасці, вытрымцы, адказнасці, мужнасці!
Мы в соцсетях: