Інтэрактыўная пляцоўка «Шануем беларускія традыцыі»

У філіяле "Навасельская сельская бібліятэка" прайшла інтэрактыўная пляцоўка «Шануем беларускія традыцыі». Чытачы пагрузіліся ў свет роднага слова: яны чыталі ўрыўкі з твораў класікаў (Я. Купалы і Я. Коласа) і сучасныя вершы Міхася Пазнякова. Аднак праграма не абмежавалася толькі чытаннем. Дзеці адгадвалі загадкі, вымаўлялі складаныя скарагаворкі, успаміналі самыя цёплыя ветлівыя словы і нават паспрабавалі сябе ў народных танцах і гульнях Беларусі.