Краязнаўчае падарожжа «Мы з кнігай адкрываем свет»

У незвычайнае літаратурнае падарожжа па роднай краіне “Мы з кнігай адкрываем свет” запрасіла сваіх чытачоў Хацежынская бібліятэка. Пачалося падарожжа легендай пра Беларусь з нарыса Ул.Караткевіча “Зямля пад белымі крыламі”. Для таго, каб адправіцца ў падарожжа, патрэбна было набыць “білеты”. Імі сталі для ўдзельнікаў правільныя адказы на пытанні віктарыны.

Працягам мерапрыемства стала падарожжа па ўсіх абласцях нашай рэспублікі. Вучні даведаліся шмат цікавага пра кожны рэгіён. Падчас падарожжа гучалі вершы беларускіх паэтаў: Я.Купалы, Я.Коласа, М.Багдановіча, Ю.Свіркі, П.Броўкі, А.Грачанікава, К.Кірэенкі, У.Карызны і інш, дэманстраваліся фотаздымкі прыгожых беларускіх краявідаў.

Юныя чытачы прынялі ўдзел у разгадванні крыжаванкі “Чым мы ганарымся?”, паказаўшы, наколькі добра яны ведаюць родную краіну, паглыбілі свае веды па беларускай мове, літаратуры, гісторыі, культуры, традыцыях і звычаях, праявілі кемлівасць.