Літаратурная гасцёўня “Вобраз маці ў творах паэтаў і пісьменнікаў”

Напярэдадні Дня Маці, у Мачулічшанскай пасялковай бібліятэцы прайшла сустрэча з маленькімі чытачамі, на якой бібліятэкар зрабіў своеасаблівы экскурс па кніжным паліцам, пастараўшыся раскрыць такую важную тэму, як “Вобраз маці ў творах паэтаў і пісьменнікаў”. Адносіны да маці, любоў i пашана да яе — вы­ключная мерка духоўнасці кожнага чалавека. Становішча жанчыны-маці — люстэрка грамадства. Менавіта ад­носінамі да маці вывяраюць сваіх герояў многія пісь­меннікі. Да паэтызацыі вобраза маці звярталіся і працягваюць звяртацца многія творцы.

Іван Шамякін, Алесь Гарун, Вера Вярба, Еўдакія Лось, Ніна Мацяш, Пятрусь Броўка, Аркадзь Куляшоў, Янка Брыль, Пімен Панчанка, Рыгор Барадулін, Ніл Гілевіч – і гэта не поўны спіс тых пісьменнікаў і паэтаў, чые творы аб маці ўспаміналіся на сустрэчы.

На прыканцы бібліятэкар звярнуў увагу прысутных на тое, каб і яны не забываліся казаць штодзённа добрыя словы сваёй матулі, маці, мамачцы, заўсёды ёй дапамагалі.